一品雞煲火鍋

营业中

休息中

一品嘅堂食外卖都试过，外卖返屋企再自己另买配料固然抵食，但堂食亦有堂食嘅特色，就系会成身鸡煲味😎中辣牛杂鸡煲牛杂有牛筋、牛肺、牛膀、牛肚、牛粉肠，比普通鸡煲贵$40，但好抵食，因为散叫一碟牛杂都要$125，所以喜好牛杂嘅嗌牛杂鸡煲嘅份量就岩岩好，过到瘾之余又可以留肚食其他野。半只鸡亦好足秤，肉质好滑，好多鸡脾肉。最紧要最紧要嗌碗白饭，鸡汁捞饭一流，唔觉意就会食左几碗饭😂配料嗌左响铃 + 美国桶蚝一品响铃出名好食，习惯浸汤几下就食得，索汤之余又食到脆卜卜，绝对系必点！一份有八大条，二人share刚刚好👍🏻另外美国桶蚝亦系每次必点！足足有十只咁多，好肥美，唯独有一点败笔系洗得唔太干净，建议大家落汤时用水冲冲，煮熟少少。饮品方面嗌左杯野生葡萄籽大大杯，类似有汽嘅提子汁，有一粒粒籽几好咬口。