影片
更多
2010-12-10
232 浏览
一周内第二次出席喜宴，好在今次系满月酒，唔使太破费！今次的喜宴又令我大开眼界，服务异常奇怪，食物又层出不穷！先讲服务，总数有三位女侍应主力招呼，其中一个隔一阵就会拎住支酒，唔系问人要唔要，系直接话"要多少少酒啦"，讲的同时支酒已经埋到杯边准备斟落去，当正自己主人家咁！另一奇闻系食到中段停咗唔上菜，个女侍应就企咗喺望住个电视睇剧集，卖广告就收下碗、斟嘢饮望望有无菜上，然后继续睇电视，仲睇得投入过我哋！ 讲开电视，个厅得一部LCD电视，正正对住我哋𠮶围，可能天线的问题，成晚都好多雪花，但D女侍应无去搅搅，照睇可也！讲完服务就讲食物，平淡中偶有惊喜，但失望无瘾为多，今次由最好讲到最差啦，先甜后苦！1. 寿包 - 每个都拳头的size，包皮略嫌厚少少，但好在莲蓉都唔少，平衡番，每个都有一粒的咸蛋黄，喜宴的尾声带来唯一的欢喜！2. 炸子鸡 - 可能因为前面唔系食得太饱，所以都食咗几件鸡，皮脆，肉嫩，总算今晚令我饱！3. XO酱爆花姿及珊瑚 - 有XO酱的野味，翠玉瓜仍有翠绿的甜味，可惜花姿片及及珊瑚蚌唔够每人一旧，并且大细不一，唔公平！4. 鲍汁北菇鲍片 - 鲍片又系唔够数，无得食！自己又唔食冬
先讲服务，总数有三位女侍应主力招呼，其中一个隔一阵就会拎住支酒，唔系问人要唔要，系直接话"要多少少酒啦"，讲的同时支酒已经埋到杯边准备斟落去，当正自己主人家咁！另一奇闻系食到中段停咗唔上菜，个女侍应就企咗喺望住个电视睇剧集，卖广告就收下碗、斟嘢饮望望有无菜上，然后继续睇电视，仲睇得投入过我哋！ 讲开电视，个厅得一部LCD电视，正正对住我哋𠮶围，可能天线的问题，成晚都好多雪花，但D女侍应无去搅搅，照睇可也！
讲完服务就讲食物，平淡中偶有惊喜，但失望无瘾为多，今次由最好讲到最差啦，先甜后苦！
1. 寿包 - 每个都拳头的size，包皮略嫌厚少少，但好在莲蓉都唔少，平衡番，每个都有一粒的咸蛋黄，喜宴的尾声带来唯一的欢喜！
2. 炸子鸡 - 可能因为前面唔系食得太饱，所以都食咗几件鸡，皮脆，肉嫩，总算今晚令我饱！
3. XO酱爆花姿及珊瑚 - 有XO酱的野味，翠玉瓜仍有翠绿的甜味，可惜花姿片及及珊瑚蚌唔够每人一旧，并且大细不一，唔公平！
4. 鲍汁北菇鲍片 - 鲍片又系唔够数，无得食！自己又唔食冬菇，不过发现D冬菇好大只，有只仲系连体菇打孖；自己就食菜，幸好D菜都上到D鲍汁味，无咁dry！
5. 乳猪全体 - 成晚的第一道，太肚饿，所以唔理好丑，落咗肚先算，脆皮有肉食，搅笑系奉上面皮，唔match的感觉！
6. 蒸海斑 - 条鱼蒸唔熟，食到无晒瘾，唔知系自知蒸唔熟，定新煮法，落咗肉丝，无鱼食就唯有食肉丝lor。
7. 龙虾伊面 - 唔多肉，每人得一少旧，连只钳都无咩肉，最离奇系得三只钳，仲有只去咗边呢........
8. 糯米饭/伊面 - 伊面太湿，糯米饭无料，又无味，失败！
9. 海鲜卷 - 就系中场等咗好耐之后的一道，仲以为系炸唔切，点知咬落都只系暖，条卷又唔饱满，最搅笑系碟中间放咗几粒啫喱，装饰之余又可填满只碟的空间，聪明！
10. 三色糖水 - 包括杨枝金露、红豆沙及蕃薯糖水。蕃薯糖水无咩水，得大大旧蕃薯；红豆沙超甜；杨枝金露好奶！
食物欠质素，又无服务，应该被邀请先会再嚟！
张贴