スーパー丼 (大埔超級城) (已結業)

呢间嘢啲侍应服务态度真系不知所谓！ 一开始念住系柜台叫嘢食，个女侍应就以喝狗式口吻:”你外卖定堂食?堂食过对面坐!” 以为只系一个系咁，坐低后另外一位都系，叫完嘢食掹走我哋个餐牌，头也不回，唔知以为我哋有啲咩得罪咗佢。 全程拎嘢嚟都黑口黑面，冇水洗脸咁。成间舖嘅所有侍应都好似唔想做，企起到劲hea, 好似想啲客最好快啲走。（唔怪之得入面得小猫三两只，应该系拜佢哋嘅态度所赐） 咁嘅服务态度真系十分出色，食咗背脊骨落，唔会再有下次。食饭食到好似要去受气咁，请我都唔会再去。