嘉年華海鮮酒家 (已結業)

我寻日去饮早茶，七点几，全场加埋部长都唔够5个侍应。我一坐低就叫个侍应帮我执台，我有讲"唔该"既，点知等左15分钟，佢都未再返转头帮执台。佢多野做，未得闲执的话，我可以接受，但佢应该系企左系我隔离台，同班师奶吹水。我叫佢过黎执台，佢好唔愿意，跟住我话"小姐，我叫左妳好多次架啦，妳仲挂住吹水。妳系咪唔想执丫? 唔想执出声㖞"。哗，恶到咁既侍应我都第一次见，佢即时将执左上盘既碗碟掉番落张台，跟住话"我就系唔执，妳钟意既就自己执"。真系恶到想杀人咁。跟住我叫佢叫个部长黎，佢竟然走左去。我揾个部长黎投诉，我问佢个侍应叫咩名，佢够胆死答我唔知，我问佢究竟系佢新黎既，定系个职员新黎既，点解会唔知自己个下属叫咩名，佢仲可以话"唔想话妳知就唔知啦!。"我同部长讲"哩d系有无礼貌既问题，你个职员咁无礼貌，妳有责任既!"，佢竟然答我"系咩，我唔知㖞，妳钟意既打电话黎公司投诉我地啰，睇下d经理理唔理妳啰!"。哗，如果我唔系同老人家一齐，免得佢地吓亲老人家，我真系揾个高级既职员出黎理论。总之一句，哩间野免费请食你都唔会去食。唔系一阵d侍应恶起上黎，成壶水照头淋落黎丫。