巴打冰室 (已結業)

工作到很晚，其他店已关，到巴打冰室买外卖，刚进店已经看到有客人跟侍应讲，佢找少左钱，侍应笑笑口话：「哎呀好彩你返转头提我咋」，一句唔好意思都冇。我在外卖纸上见到海南鸡饭有汤有酸菜，连埋个油饭几衬，所以order左海南鸡饭。冇几耐，听到另一年轻女侍应同收银女侍应讲，冇酸菜呀点算？我听到收银讲，由佢啦，俾姜蓉咪得。我心谂，酸菜都系小事，所以冇出声。但系，当我拎到个外卖𠮶阵，系少左个汤，我问收银阿姐点解冇汤，佢话卖哂，我话：「吓？我俾钱果阵你唔讲既？」佢话自己有讲，我话：「你有讲我就唔买海南鸡饭啦，个餐牌写三样少两样」，佢唔出声，然后我话：「你最少都补杯野饮俾我」，收银阿姐都仲话要收返六蚊。收银阿姐行入水吧同里面啲人讲我屈佢，我企喺度等，后来佢俾左杯柠茶我，都系话我屈佢，但由于收工后太累，我冇再同佢嘈。不过，返到屋企食饭先系戏肉，海南鸡饭，菜都冇一条，然后啲鸡全部都系皮厚骨多，仲有红色碎骨跌出来，食快啲都会哽亲。个油饭同泥胶差唔多，睇得出个饭系求其将油同埋腍既饭摆埋一齐。呢间餐厅，啲野卖哂侍应唔讲，仲话人屈佢，食物又难食，冇下次。