반찬앤쿡 Banchan and Cook (時代廣場) (已結業)

今日难得放假去时代广场同女朋友Shopping ，行到肚饿经过见到无乜人就入去食。由入座到嗌野食，个后生女侍应都无乜反应，嗌完野食粒声唔出就走咗，唔知系咪有心事。我叫左个牛肉蛋包饭，啲汁比较咸，但个蛋唔错。食食吓听到好嘈，拧转面见到个中年女侍应闹紧两个后生女，话唔可以点点点，个外卖点点点。以为教紧新同事做野，点知闹闹下𠮶两个后生女坐低食野，原来系客人黎哇，个女侍应真系唔得罪得，咁鬼恶连客都闹！好彩无闹我！期间仲听到个女侍应仲好嘈咁闹人 (我唔知闹边个)好心啦，咁大间餐厅，系度闹人，仲要系闹客，真心影衰哂。仲要咁嘈，我比钱黎食野又听佢闹人，嘈喧巴闭，咩好心情都比佢影响哂！真系拿拿林埋单走人！