影片
更多
2008-05-16
16 浏览
午餐三人行，等咗20分钟先有位，新出常餐menu都几抵食，不过唔啱食最终无叫到。点咗"茄茸海鲜薄脆批"、"咖哩虾饭"(午餐)、"焗三文鱼意粉"(午餐)，已经有半年无帮衬，薄饼饼底依然保持到咁唔好食，呢个问题都已经存在咗好耐，今次试薄批都系一样失望，而批面的配料及味道都不错，可惜。"焗三文鱼意粉"唔够热，好似唔系焗熟咁，味道ok。"咖哩虾饭"过多红椒粉，太抢太辣，虾少菜多。另外其中一个侍应上"咖哩虾饭"果时老鼠拉龟咁，个匙梗放咗去女友个碟上面，之后都系搞唔咁，左转右转碟饭都喺个托盘上面上唔到枱，最后仲够胆叫我同事帮佢手上菜，实在唔知边个帮衬紧边个...?埋单果时问侍应(同一名侍应)有无信用卡有折，佢回应:「唔清楚，有同事帮你埋紧单啦。」然后置之不理走咗去，留下O咀 x 3...
张贴