菊日本料理 (已結業)

阿爸话同我庆祝生日，阿爸、阿妈、男朋友同我一齐出去食饭，我唔想食得太贵，又唔成日都食D中式野，想食日式野，又惊佢地唔钟意食生野，就拣左菊日本料理。我地点菜时，侍应好识做咁推介左个新款豆腐煲（试食价＄38）俾我地，清清地唔错。自己就最钟意食鳗鱼，之前都睇过Ｄ食评话佢地呢个整得麻麻，点知系真的，真系好睇唔好食！富士芝士蟹子乌冬就真系唔错，好烟"un"，连父母都赞，尤其同个海鲜炒饭比较，个乌冬真系好食好多！另外叫左吉列蚝、大虾天妇罗呢Ｄ趣口野，都唔错！鲭鱼个皮仲烧得好脆添！羊架仔一般，叫左妈咪爱食的三文鱼，另加埋个炒杂菜，就食到我地饱晒！多人食，都几好，可以样样都试下，食多Ｄ唔同的野，净系我地4个人都食左差不多10碟，多人Ｄ应该可以再试多Ｄ款式。唯一唔好的系我拣呢间店，系因为上ＢＥＡ个网话有Discount，去到就话呢张咭的promotion无左。而服务就一流，侍应话无左BEA Discount，之后佢又送返张优惠咭俾我，等我下次黎食时有优惠。