豐味窯雞

营业中

休息中

有时晚饭想斩料加𩠌，除咗白切鸡、豉油鸡外，依家我有多个新选择，就系大热嘅窑烧鸡，真系皮滑肉嫩特别好味，依家观塘就有外卖店。每只窑烧鸡大约两斤重，每日新鲜腌制再高温烤一小时。拎外卖时有锡纸封得密实，再有外卖袋装住，确保安全。返屋企拆开仲有烟，闻到香喷喷，见到鸡皮烤得金黄色，真系好吸引！如果太热去用手拆嘅话，都有厚手套垫住。我同屋企人最钟意食鸡，见到整只窑烧鸡就话要亲自撕。鸡肉真系多汁又超级嫩滑，鸡肉同鸡骨一撕就拆到。