影片
更多
2023-11-04
24 浏览
𤇭月串烧居酒屋今次嚟到尖沙咀一间叫「𤇭月串烧居酒屋」，一入去呢间居酒屋已经觉得充满日本风味，天花挂咗几把和风伞，全间以卡位为主，有d卡位好似包厢咁，仲有一间房系方便10人以上，私隐度极高，玩得几癫都唔怕比人望到！至于轮椅人士都唔洗担心，呢间居酒屋系有升降机上去，近门口亦有4张座椅可移动，食到中途如果急仲有残厕用，真系好少餐厅有残厕，残厕入面仲整得好靓好干净，值得赞！1.铁板和牛$168（9/10）和牛生熟程度恰到好处，闻落好香，外表有少少焦脆，入口即溶，再配合和牛面上嘅炸蒜一齐食，更有一番风味，蒜香将牛肉嘅层次升华！和牛旁边嘅野菜亦都唔好睇小，除咗可以解和牛油腻外，亦都非常新鲜，清新爽脆嘅蔬菜！2.鹅肝$90（10/10）烧香嘅鹅肝令外面焦脆，再配以好脆嘅多士，好味！3.日本黑豚$40（9/10）豚肉软滑有口感！4.牛骨髓$28（10/10）外面焦脆，入面软绵绵，依家真系好难食得到！5.烧饭团（和牛蛋）$88（9/10）烧咗嘅饭团令外面真系好香脆，亦唔会因为烧而变得干，饭团上面仲配以新鲜嘅鸡蛋，蛋汁流入饭团，再夹埋和牛一齐食口感非常丰富，饭团就紧系唔少得香脆嘅紫菜啦！6.𤇭月比翼双飞（
今次嚟到尖沙咀一间叫「𤇭月串烧居酒屋」，一入去呢间居酒屋已经觉得充满日本风味，天花挂咗几把和风伞，全间以卡位为主，有d卡位好似包厢咁，仲有一间房系方便10人以上，私隐度极高，玩得几癫都唔怕比人望到！
至于轮椅人士都唔洗担心，呢间居酒屋系有升降机上去，近门口亦有4张座椅可移动，食到中途如果急仲有残厕用，真系好少餐厅有残厕，残厕入面仲整得好靓好干净，值得赞！
1.铁板和牛$168（9/10）
和牛生熟程度恰到好处，闻落好香，外表有少少焦脆，入口即溶，再配合和牛面上嘅炸蒜一齐食，更有一番风味，蒜香将牛肉嘅层次升华！
和牛旁边嘅野菜亦都唔好睇小，除咗可以解和牛油腻外，亦都非常新鲜，清新爽脆嘅蔬菜！
2.鹅肝$90（10/10）
烧香嘅鹅肝令外面焦脆，再配以好脆嘅多士，好味！
3.日本黑豚$40（9/10）
豚肉软滑有口感！
4.牛骨髓$28（10/10）
外面焦脆，入面软绵绵，依家真系好难食得到！
5.烧饭团（和牛蛋）$88（9/10）
烧咗嘅饭团令外面真系好香脆，亦唔会因为烧而变得干，饭团上面仲配以新鲜嘅鸡蛋，蛋汁流入饭团，再夹埋和牛一齐食口感非常丰富，饭团就紧系唔少得香脆嘅紫菜啦！
6.𤇭月比翼双飞（原价$78）（9/10）
呢个𤇭月比翼双飞只要Follow佢哋嘅社交平台就会送，店员会送上一份竹篮，用纸包住嘅乳鸽一点火好似玩紧魔术咁，乳鸽就会出现你眼前，呢个举机拍片打卡一流！
乳鸽味道啱啱好，外脆内嫰，系佢哋嘅招牌菜！
7.天妇罗稻庭乌冬$88（8/10）
稻庭乌冬幼身质地好滑，天妇罗有大虾、南瓜、茄子同青椒！
8.日本银杏$28（9/10）
青绿色嘅日本银杏，散发著特特别嘅香气，烧得金黄，咬落烟韧！
9.自家制豆腐$28（8/10）
豆腐表面烧得非常香脆，内里嫰滑，一咬落去豆香喺口内散发！
10.芝士烧翠玉瓜$28（10/10）
一上枱就会闻到浓烈嘅芝士香味，芝士烧得金香，但系望到翠玉瓜表面好似烧得好干，原来唔可以净睇外表，一咬落去翠玉瓜嘅汁即刻流出嚟，真系一试难忘！
11.广岛蚝$50（9/10）
广岛蚝非常饱满，食落好鲜甜！
12.带子$68（10/10）
一串有3大粒，外面烧到好金黄香脆，入面多汁！
13.巨峰乳酸梳打$28（9/10）
有巨峰味，甜度适中！
14.曲奇雪糕$25（9/10）
曲奇碎较甜！
15.抹茶雪糕$25（10/10）
抹茶味香浓！
2人总共价钱$740，新开张有优惠，仲有送𤇭月比翼双飞（乳鸽），好唔错！
个人口味总评分：9.2/10
@izakayarutsuki
地址：尖沙咀厚福街12-12A号蓝马商业大厦2楼
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#𤇭月串烧居酒屋 #居酒屋 #串烧 #尖沙咀 #尖沙咀好去处 #尖沙咀美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
