美談韓國

营业中

休息中

𠮶日几个同事一齐食饭，就去咗我哋嘅「公司饭堂」。我以前都有食过美谈，不过系搬之前。今次系佢搬咗之后，我第一次食。铺头除咗有室内位之外，仲有室外食韩式烧烤嘅枱。一入到铺内，除咗系室内变得比较温暖，仲有𠮶度嘅人同食物，啱晒哩几日咁冻嚟食。讲返啲食物，因为哩几日都冻，所以我拣咗牛肋骨汤饭暖暖个胃，而我其中两位同事都不约而同拣咗汤饭，一位拣咗石锅饭。上牛肋骨汤饭时，老板亲自拎俾我，我递只手过去接，佢都要serve到我个位前面，真系好有爱。牛肋骨汤饭性价比极高，虽然要$80，但系满满一大碗，最重要系汤底无牛骚味。好快就俾我饮晒食晒。除咗主菜，佢会附送两个配菜，因为我哋4个人，一人两个，咁就几乎所有配菜齐晒。炸鸡无骨配上韩式甜辣酱，正！仲有泡菜煎饼都一样唔太贵又好味，性价比高之作。我朋友整紧个石锅饭嘅时候，老板见到佢个饭捞得唔均，于是亲手帮佢捞均，好warm。而且店员都不时同我哋嘘寒问暖，系阿珠妈嘅爱呀。埋单以为会好贵，原来午市炸鸡只系$80就有8件。