壽司德 (已結業)

离开香港几个月,一返嚟即时要去寿司徳食嘢,一去到只见吧枱余2个坐位,想即时坐低,一位应该系经理嘅小姐礼貌话已俾人订咗,但如果唔介意可以坐普通枱,冇辨法鬼叫我冇订枱（以前冇订枱都有位,一位侍应姐姐话依家多咗杂志报道,尤其早排六叔出院后都有光顾一两次,被传媒报道后,香港客人多咗.）讲返食嘢,经理姐姐介绍我哋秋刀鱼刺身、深海池鱼刺身、鲜北寄贝刺身、象拔蚌刺身等,所有刺身非常鲜味,尤其秋刀鱼刺身,经理姐姐话,全年只有这一两个月可造刺身,另外鲜北寄贝刺身都好好,因其他日本菜大多是急冻货色,再点寿司经理姐姐介绍烧拖罗寿司、和牛寿司、蒸鲍寿司、海鳗鱼寿司及我指定嘅日本花虾寿司和葱拖罗饭,全部都好味寿司饭醋味刚好唔会太酸。最后Ｏｒｄｅｒ　Ｄ熟食有,石焼牛肉、马头鱼焼、沙槌天妇罗等,甜品就Ｏｒｄｅｒ　日本宫崎出产萍果茫,总括全晚食品及招呼都依然保持水准,失望嘅就系冇得坐吧枱,所以各位食友去之前记得Ｂｏｏｋ位。