媽咪雞蛋仔

营业中

休息中

间唔中都会想去食下鸡蛋仔，今次就去左尖沙咀天星小轮新开既【妈咪鸡蛋仔】食啦。可能知道呢个位置都多本地人同游客买，所以就算好多人都整得好快。大概15分钟就可以攞。之前好多次都系叫咸味鸡蛋仔，今次见有好多新出同限定，就试左新推出既抹茶黑糖麻薯鸡蛋仔。妈咪鸡蛋仔既特色就系外面超级无敌脆+里面松软，而且抹茶味都算浓。黑糖麻薯量好多，烟烟靭靭，又唔会太甜。做下午茶或者甜品一流。另外叫左新鲜柠檬茶，无冰，少糖会比较酸。