鋒記小炒王 (已結業)

帮衬咗锋记接近10个年头，差不多每次都会例点老板娘当天新鲜包制嘅炸私房韮菜猪肉饺，再叫一窝地保鱼蚝仔泡饭浸黎食（感觉似去凤城食上汤炸粉果，正呀！），每只饺都劲足料，炸得金黄又账卜卜，不用点任何汁酱都够味道了。而蚝仔泡饭嘅“蚝仔”次次都很饱满同大粒，似乎店家同供货嘅海鲜批发有一定嘅交情，所以将最靓嘅蚝仔都留俾锋记。店名叫锋记小炒王，当然煎炒煮炸嘅菜式都系老板嘅强项（当然各款鸡煲尤其系胡椒猪肚鸡煲都系主打，目测有9成客人都有点鸡煲同打边炉嘅生料，如果我果枱都食得到我都会点呀！）。私心推介蒜香牛油鸡翼，水准同味道绝对拍得住旧时系铜锣湾嘅清亭越南餐厅，有口皆碑。老板同大厨系同1人，所以出品水准稳定。