萬發海鮮菜館

营业中

休息中

早年带移民嘅亲友食过万发，难得啱佢地口味，于是今年佢地回港都同佢地黎一次。招牌一定系薯仔牛柳粒啦，几乎成为大众评价嘅基准。so far真系冇食过更加正嘅薯仔牛粒，其他小菜都过得去，最重要价钱合理，一行七人人均消费都系百二蚊左右。今次订左福华街分店，周五晚非常多人，环境系超嘈，椅背贴椅背，唔多舒适。同隔离位讲野都要whatsapp嘅程度，所以我地都系专心用餐，食完即撇，哈。薯仔牛柳粒 $108虽然好多人话薯仔先系主角，但我都好重视牛柳粒嘅份量，今次好彩㖞，唔会太少。牛柳粒煮得入味，唔会觉得老或者韧，亦都唔系乸到松哂， 加啲黑椒，正。薯仔依然冇得输，够大粒，存在感高炒到外层微脆，里头保持到好粉。可惜蜜糖味唔够，冇左食落甜滋滋嘅感觉。炸子鸡 $110/半只亲友好钟意食煎炸野，鸡皮薄脆，鸡肉唔鞋。椒盐鲜鱿 $108鲜鱿好脆口，可惜鱿鱼似有还无，椒盐味唔够。滑蛋虾仁 $108沙拉骨 $98不过不失，点知亲友唔钟意，早知我点番咕噜肉啦。煎蚝饼 $88蒜蓉炒豆苗 $88石头啫啫生菜 $68埋单900蚊有找，唔算食左好多野，以牛柳粒最出色，大家赞好不绝，其他小菜ok啦。