勝記酒家 (已結業)

对食方面嘅接受程度都颇高，泰日韩印上海、川菜等我都钟意食，朋友约食饭，我地都系好随意，但一定要我拣一款的话，我都系最钟意食中式小炒，可能由于自己唔系成日有住家饭食啦，所以有时冇约人，周末我地两口子都会出去炒下小菜。周六下午冇啲野做，过左海，晚上又要睇演唱会，所以我地就早少少食饭。大约六点钟喺湾仔呢头，决定上黎胜记，谂住炒两个小菜食下本来以为咁早应该未有太多人，你都咪话，呢个时间都已经陆续有唔少人入座。呢度出左名有啲烧鹅、乳猪等嘅烧味，但我地只有两个人就唔打算食喇，叫半只怕太多，所以我地都系点番啲传统小炒。基本上呢度嘅小炒热辣辣，即时制起，都唔会差得去边，而且几有获气，用料都唔差。辣子鸡煲（半只）：拣左半只，原煲上，一打开香喷喷，店员帮我地炒左两下就食得。呢度落手都几重架，辣度颇高，神经马上跳动，好开胃。鸡肉切成细粒，好惹味粟米鱼肚羹：预期之中嘅味道，有啲地方会煮得好稀，一系就太咸。呢度做得刚刚好，稠身但唔会似鼻涕。两个人每人都饮到三碗有多烧汁牛仔柳：一向都钟意食中式牛柳，但最近唔知系咪年纪大左，对于太甜酸嘅野兴趣不大，所以点左份烧汁煮。牛柳稔身，又香口，切成条状，唔会太大块，方便食用，