影片
更多
2008-01-07
30 浏览
半岛酒店o既服务出名好, 个view亦都一流, 至于食物质素方面亦算可以.首先, 我想比大家睇吓呢几十年半岛酒店周围环境同外貌o既转变.半岛酒店里面有好多间出名o既餐厅, 例如o系28楼o既Felix, o系1楼o既Gaddi's, 食瑞士菜o既Chesa, 食中菜o既嘉麟楼Spring Moon同埋食日本菜o既今佐Imasa 等等. 今次我想同大家介绍o既就系位于1楼o既The Chesa Verandah. 佢有著高高o既楼底, 天花顶挂著古典高雅o既的吊灯同埋吊扇, 衬托著落地大玻璃, 令到美丽o既维港景致尽入眼帘, 唯一有点美中不足o既系, 有部份o既维港对岸景色被半圆球形o既太空馆遮挡了.图中可以见倒天花顶挂著典雅o既的吊灯及吊扇是次o既晚餐系半自助形式, 前菜同甜品系自助o既, 而汤系二选一, 冇记错o既话当晚o既汤系法国洋葱汤及忌廉海鲜汤, 两款皆鲜味无比, 但我觉得洋葱汤好似咸左小小; 而主菜系四选一, 因我o地今次有多人一齐去, 所以我o地就可以试匀四款主菜了, 分别系1) 石斑配椰菜卷2) 香煎龙脷柳3) 鲜露笋配烟肉鸡胸卷4) 牛柳配杂菜批全部用料都好新鲜, 主菜
首先, 我想比大家睇吓呢几十年半岛酒店周围环境同外貌o既转变.
半岛酒店里面有好多间出名o既餐厅, 例如o系28楼o既Felix, o系1楼o既Gaddi's, 食瑞士菜o既Chesa, 食中菜o既嘉麟楼Spring Moon同埋食日本菜o既今佐Imasa 等等.
今次我想同大家介绍o既就系位于1楼o既The Chesa Verandah. 佢有著高高o既楼底, 天花顶挂著古典高雅o既的吊灯同埋吊扇, 衬托著落地大玻璃, 令到美丽o既维港景致尽入眼帘, 唯一有点美中不足o既系, 有部份o既维港对岸景色被半圆球形o既太空馆遮挡了.
图中可以见倒天花顶挂著典雅o既的吊灯及吊扇
是次o既晚餐系半自助形式, 前菜同甜品系自助o既, 而汤系二选一, 冇记错o既话当晚o既汤系法国洋葱汤及忌廉海鲜汤, 两款皆鲜味无比, 但我觉得洋葱汤好似咸左小小; 而主菜系四选一, 因我o地今次有多人一齐去, 所以我o地就可以试匀四款主菜了, 分别系
1) 石斑配椰菜卷
2) 香煎龙脷柳
3) 鲜露笋配烟肉鸡胸卷
4) 牛柳配杂菜批
全部用料都好新鲜, 主菜与配菜o既味道夹得唔错.
而前菜方面系自助沙律Bar, 有多款西式蔬菜可以拣, 大家可以按自已o既口味, 加沙律油或沙律酱或; 而Olive Oil亦有四, 五种选择, Vinegar亦有三款.
生蚝方面个o晚有两款选择, 分别系Irish Rock Oyster同埋France Poget Oyster 及, 虽然呢两款o既外观好细只, 好似唔系好吸引咁, 但食落却有著好鲜甜o既鲜蚝味道.
而Smoked Salmon则味道偏咸, 但却充满很清晰o既烟薰味.
另有仲有多款小巧精致o既小食, 例如刃草虾仁火腿蜜瓜芒果沙律蟹肉配木瓜(个名好鬼长, 唔知有冇记错哩!!), 巴哈马火腿伴哈蜜瓜, 另外仲有唔同种类o既芝士供应, 全部卖相都很吸引哩!!
最后系甜品喇, 有每人一客o既即焗梳孚厘喇.
图中o既即焗梳孚厘, 热腾腾的, 味道非常可口.
而其他甜品系自助o既, 长长o既甜品Bar盛著好多唔同种类o既生果及甜品, 有士多啤梨及蓝莓挞啦, 有苹果批啦, 慕丝蛋糕啦, 仲有好多生果, 同埋好多款唔同味道o既mini-cake o添.
图中长长o既甜品Bar, 外观非常吸引, 我虽然唔系一个甜品痴, 亦垂涎三呎.
不同味道o既cake, 我也吃了数件哩!!
最后例牌o既就系咖啡或茶喇, 同埋半岛o既Petits Fours作结尾.
The Chesa Verandah比我o既感觉依然高贵, 虽然对面海部份景致会被遮挡, 但半岛始终是半岛, 坐系入面o既感觉真系好Grand, provide o既services亦好周到, 虽然价钱无疑是贵了一点, 但间唔中来享受一次, 令整个人也闲逸了一点, 轻松了一点, 暂时忘却日常沉重o既工作压力及烦忧.
张贴
