影片
更多
2011-11-10
55 浏览
7月23日, 今日又嚟到炮台山附近嘅小巷食呢间tea & herb~ 虽然星期六, 但系估唔到lunch time都几多人. 可能其实人流唔多, 不过我地都系抱住嚟hea食慢慢睇下书嘅心态, 等位都冇办法~ 等咗10分钟就有位喇~::: 脆虾堡配薯饼 + 冻咖啡 ::: $98set lunch有几款选择, 睇到脆虾堡个名非常吸引, 就叫呢个~ 先上一个蘑菇汤, 虽然食到d蘑菇粒, 不过蘑菇味唔太重, 比较清淡嘅味道. 面包几香, 不过面包中间唔太够松软. 到脆虾堡上枱, 可能先入为主嘅感觉, 以为系汉堡包嚟, 原来系用鲜虾肉打成浆再拎去炸, 即系炸虾饼~ 不过佢嘅卖相真系有心机, 底下嘅茄汁盛住圆形嘅薯茸, 薯茸上有菠菜,上面再放虾饼, 形成一个城堡状, 都十分贴切脆虾堡嘅名字~ 再加上萝卜丝点缀, 整体颜色好丰富, 非常有层次感~ 脆虾堡非常弹牙, 虾肉亦好鲜味, 加上外炸脆皮非常香口惹味, 唔算系好大件不过啖啖肉好满足~ 争少少嘅系个脆皮下面索咗d菠菜汁就会变淋, 如果中间用其他野隔一隔就更好~ 菠菜亦正好为呢一餐带一点健康感, 唔会净系食肉同薯茸咁漏~ 而薯茸就咁食有少少淡,
::: 脆虾堡配薯饼 + 冻咖啡 ::: $98
set lunch有几款选择, 睇到脆虾堡个名非常吸引, 就叫呢个~ 先上一个蘑菇汤, 虽然食到d蘑菇粒, 不过蘑菇味唔太重, 比较清淡嘅味道. 面包几香, 不过面包中间唔太够松软.
到脆虾堡上枱, 可能先入为主嘅感觉, 以为系汉堡包嚟, 原来系用鲜虾肉打成浆再拎去炸, 即系炸虾饼~ 不过佢嘅卖相真系有心机, 底下嘅茄汁盛住圆形嘅薯茸, 薯茸上有菠菜,上面再放虾饼, 形成一个城堡状, 都十分贴切脆虾堡嘅名字~ 再加上萝卜丝点缀, 整体颜色好丰富, 非常有层次感~ 脆虾堡非常弹牙, 虾肉亦好鲜味, 加上外炸脆皮非常香口惹味, 唔算系好大件不过啖啖肉好满足~ 争少少嘅系个脆皮下面索咗d菠菜汁就会变淋, 如果中间用其他野隔一隔就更好~ 菠菜亦正好为呢一餐带一点健康感, 唔会净系食肉同薯茸咁漏~ 而薯茸就咁食有少少淡, 加埋d茄汁食就啱啱好~ 整体非常唔错, set lunch $98虽然唔算平但系食得出对食物嘅用心~
呢类西餐最怕叫冻奶茶, 因为多数d茶都唔够浓味, 都系钟意港式奶茶多d. 所以今次都系叫冻咖啡好d. 咖啡味唔够浓, 加咗奶只饮到少少涩味, 普普通通.
::: 凯撒沙律 ::: $50
ceasar salad 配鲜虾, 卖相够晒色彩缤纷! 不过罗马生菜唔算太爽, 捞酱汁后更开始有少少淋~ 反而蕃茄仔够鲜甜! 虾仁遭打横切片, 质感同味道都要扣分, 食唔到弹牙感觉… overall salad味道唔错, 但配料一般. 如果唔系因为减肥, 嚟呢度一定会食面包同pasta! 沙律真系唔系主打~
食过一两次, 环境依旧都系咁舒服, 仲有杂志报纸睇~ 食物都keep到水准, 无论早餐, 午餐晚餐呢度都系一个好选择~
张贴
