生記粥麵 (已結業)

行过，先醒起太座从未来过，似乎点讲都讲唔过去...叫碗鱼腩粥俾太座，自己则独食及第...鱼腩依然新鲜，瑶柱粥底依然无出其右，足料又够绵滑，最厉害嘅系食到碗底都仲咁绵。只有湾仔景叔嘅粥底先可以同佢相提并论...各款猪内脏用嘅亦系鲜货，最出色莫过于猪粉肠，一点苦味及异味都冇，冇得弹...食完粥后再encore多碗萝卜牛腩面。面渌得太淰，碱味倒是不重；腩系清汤style，带点肥膏，啱晒我，算做得颇淰，但味道就冇华姐嘅好；汤底偏咸，不对小弟个人口味；本来对萝卜有D期望，但食落只觉大而无当，不够甜只余亦有少许渣...以后再嚟，决定只专攻粥一味，已足够...