利小館 (已結業)

Item: 利小館
Rating: 2
Author: 奥志雷

Lei Bistro

3.5

120 食记

味道

环境

服务

卫生

抵食

1323

屯门

$101-200

粤菜 (广东) 海鲜点心中菜馆

奥志雷

等级4

2.1K

好想饮汤啊 ﹗上网左揾右揾终于发现利小馆，放手一搏啦。安排坐到最入面二人迷你台，劲讨厌 ﹗见全场坐满已经无其他位置，算鬼数。为了炖汤而来开饭架，坐低即时向侍应后生仔查询一下，不过原全不清楚，可能新上班的，非常生手。

花雕醉鸡，第一次食暖笠笠醉鸡，实在太感动喇。劲弱酒味基本上吃不出的，要靠自己的想象力喇。似十足盐焗鸡户㖞，味道只泛著咸香。髀肉嫩滑不硬，胸松软不鞋，皮薄没肥膏不肥，腻比预期中好食，可以再 encore。

北菇滑烧卖，每一口都使我联想起 7-11 便利店叮叮微波炉即食点心 ﹗外观及味道完全一样，死实的质地、阴沉的味道，没有蒸气也没有生气。原只蒸虾饺，跟烧卖同一情况，真的令我十分失望。外皮又湿又黏，一夹即烂。有笋有虾，咸虾味浓，而且味道实在太 7-11 喇。

椒盐鱿鱼须，不单止点心，就连味部都低于水平。最憎炸到成条虫既外貌，劲肉酸 ﹗好采炸浆松化不硬，唔会成件鱿鱼壳一样。炸浆太多，比鱿鱼还要多，食不到鱿鱼肉，味道完全被掩盖，消失得无影无踪。整体可以啦，吊车尾过关，不过无下次。

干烧明虾球，出品跟我幻想既完全两回事，点解有个杰挞挞既甜酸汁呢？劲讨厌的啤水盐腌雪藏虾，假爽无鲜味又咸，格硬食晒去，试一次便够，out ﹗

老干妈干煸四季豆，简单稳阵之撰，唔会难食喇挂。四季豆爽甜多汁，炒得不过火不过老，各方面都不过不失。芡汁味浓厚，极重口味，来碗白饭捞捞就更好。

海鲜炒粗面，意料之外劲多芽菜，另外仲要加甜椒、紫洋葱、芹菜，味道浊而混乱 ﹗多配菜唔一定好味架。上海粗面捞上本菇、虾球、带子、鱿鱼，落味单调而清淡，毫无豉油香气，亦都无镬气。只不过是海鲜捞粗面，何来炒的功架，幸好都叫够饱肚既。

天麻炖鱼皇，汤胆鸡味浓，鱼味就无喇，虽然有旧鱼腩肉又有旧鱼鳍，鱼肉好腥，汤汁淡不香甜，麻麻地。我还为左个汤黎帮衬，大失所望。

南翔小笼包，除左包皮较薄外，味道、气味、馅料跟 7-11 微波炉叮叮即食点心完全一样，同出一辙。猪肉松散，泛著极重砂糖甜味，虽然入得口，但质素甚差，沾上酸醋减轻甜味，好多了。

荷香蒸污糟鸡，利小馆既鸡真系有一手，除醉鸡外，依味都满意可口。热辣辣蒸起，新鲜出炉，轻烟飘飘上台。急急试旧先，豉油味清爽带香甜，似足豉酒鸡做法，鸡髀滑弹多汁、鸡胸软腍无渣，连骨都损都干干净净，滋味无穷。

蚝油北菇扒津白，有惊喜 ﹗虽然被点心吓到脚震震，不过小菜还算不俗。鲜嫩津白非常爽甜又够热，厚厚大冬菇滑弹味香浓，齐齐沾上蚝汁品尝，可口大爱，满足满足 ﹗

鲍汁叉烧捞粗面，食极都唔够饱，叫个面稳阵好多 ﹗以为炒先会有芽菜有葱，连捞面都大大笃，唔洗钱咩？大陆神州传落黎架？拣到我死死下，花左几分钟先挑晒呀 ﹗足足有三份一碟。叉烧丝肥腾腾，肥膏处处，食到嘴仔内外都油淋淋。弹牙粗面跟清香豉油捞得均匀，味道也算好食，不过温度冷冷的。

干清枣皇糕，迟迟都未送到，以为漏单，查询之下才知道要叫起菜，何解您地唔通知声呢？依味真系极品中之极品，经典中之经典 ﹗叮叮甜品？外热内冻，硬掘掘的红枣糕我都系第一次试，咬一啖已经唔想再食落去。隔水蒸先会热辣辣，先会湿湿黏黏咽咽韧韧，先会好食啰 ﹗

为左早点黎霸位又嘈交，揾埋位都要比人闹，好话我挂住食 ﹗次次食饭都系我先到霸位架。上次元朗伦哥私房菜得左成个钟，怨我无订位，话以后无订位唔去食饭啰 ﹗一阵买完如果要排长龙又黎黑我脸，依家仲要马后炮，东家唔食咪食西家啰，一定要食利小馆咩 ﹗咁您就早讲啦 ﹗精品店九点收工，七点半食饭最多食一个钟，点会赶唔切呀 ﹗已经打电话留起左只公仔，行去间舖都唔洗 10 分钟，有需要赶头赶命去买只 $400 蚊既大象公仔吗？每次想要买咩，就要即刻放系手上面 ﹗样样都系我比钱，仲要无理取闹 ﹗成餐饭唔出声，食到黑口黑脸 ﹗

晚饭将到尾声，预备埋单，突有段小插曲，怪兽家长家庭。阿婆、老豆、老母尤得几岁细路系地下度辘，另一台男食客怕侍应睇唔到踩落去便大声提醒，但老母唔出声，摆出一幅关您屁事既咀脸 ﹗男食客无奈地当什么都睇唔到，劲尴尬。细路继续系污嘈地下道爬碌地，怪兽家庭终于埋单离开喇。阿婆仲要打个细路屁股两下，责骂倾多阵计唔得架，系度碌地扭计眼训要返屋企！谁知个细路一企起身就呕到一地都系，全场恶嗅 ﹗我地见到怪兽家长家庭眼火爆，起身走人！