炊豕店 (威靈頓街) (已結業)

喺中环附近返工，放咗工之后想同朋友揾啲嘢食。行到去中环扶手电梯附近，见到呢间好低调嘅餐厅，就入咗去食啦。冇谂过原来喺中环都有咁平嘅嘢食。一个饭都只系50几蚊，仲要有肉有菜。都有好多唔同嘅选择，而我就拣咗比较吸引嘅叉烧炒蛋。除咗饭之外，我仲带咗一只煎蛋，一盒炒蛋，一盒鸡翼同埋一碟鱿鱼须。啲饭一上到黎真系好香喷喷，炒蛋好嫩滑，仲有啲蛋汁。啲叉烧一啲都唔干，好好味。至于只煎蛋，系一只太阳蛋配甜豉油，冇咩特别，唔会太难食都唔会话特别好食。一个炒蛋加$10就叫到，真系好抵食。个炒蛋上黎嘅时候，佢嘅蛋香真系好正，其实我真系好钟意食蛋。我哋仲点咗两个炸嘢食，鱿鱼须同埋鸡翼。揸出嚟好香脆好好食，鱿鱼酥个粉浆一啲都唔厚，好脆，而且个调味啱啱好唔会太咸唔会太淡。佢仲配左一个醋，所以食落觉得一啲都唔肥腻。至于个鸡翼上面有好多芝麻，同埋炸过，所以好香口好脆。而且个鸡翼唔会太过干，仲保留到啲肉汁。最后，因为叫咗好多炸嘅嘢，所以我哋叫咗支五花茶来降火。