大丼家 (已結業)

之前五月喺筲箕湾返工𠮶阵，搭叮叮经过见到开咗依间“大丼家”，于是就揾日去试，系五月中已经试咗一次佢好唔好食咖喇，但系𠮶阵就冇影到相就冇写到食评。😫第一次我就夜晚去食，叫咗一个鳗鱼饭$78，同一个人气牛肉饭$48，我觉得个牛肉饭都几出色，虽然佢好平，但系佢一啲都唔求其，啲肉好入味，薄薄地几好食，个鳗鱼饭反而就麻麻哋，份量好足但系有啲林Back back。另外我哋仲有带咗份饺子同埋糖心蛋，饺子香脆、馅料份量足够，糖心蛋就一啲都唔糖心，熟晒😢但系饺子同埋糖心蛋分别都系大概$20，呢个价钱质素来讲可以接受。今日1:30去食，突然间好想食糖心蛋早叫咗呢一个拉面同一杯蜜桃冰茶，呢个系“酱油猪骨拉面”，糖心蛋比起我上次食𠮶个好啲，有返少少糖心🥰但系个面好咸，冇乜猪骨味。蜜桃冰茶照旧都系好好饮。绝对不能不赞的就是服务方面，上次去到我有叫咗杯蜜桃冰茶，我觉得唔够甜，个侍应即刻话帮我去加啲甜落去，而今日，朝早劲晒劲猛太阳，啲阳光直晒落张凳度，𠮶阵已经全场爆满晒人，个侍应安排我哋同人哋搭枱，拍枱冇问题但系哂到正一正𠮶个位，我一句话有啲晒依个位，个侍应即刻叫我等一阵，佢帮我落帘！两次都系同一个阿姐黎，最好人的