影片
更多
2017-01-15
565 浏览
同朋友去开荔枝角行街，见到有一间商场都有不少小店系入边经营，行咗一阵见有啲肚饿咁就上咗去3楼度揾嘢食，第一次去原来都有数间餐厅系入边，朋友就提议去板上试便当，我哋见价钱唔贵，就一于入去试吓。客人系先点餐，之后等叫Number ,我哋就可以出去拎嘢食，厨房都整得好快手，我哋等咗大概5分钟就有得食。柚子酱油烧整黑豚珍珠饭（$58）猪肉份量不少，够肉汁唔会干争争，猪肉系半肥瘦，夹有少少肥肉，味道不错，最有惊喜嘅系猪肉会食到少少羊肉嘅味道。安格斯牛肉汉堡配脆薯（ $68）一拎到个餐，就俾个包嘅份量吓亲，差唔多有半个盒咁大，一打开包装纸，沙律菜劲多到，牛肉够juicy ，连包皮都系有焗过，脆脆地，食完个包都劲饱，但我冇放过啲薯条，薯条系我最钟意嘅厚切，啱啱炸出嚟热辣辣，点埋茄汁真系一流。蒲烧鳗鱼珍珠饭（$73）差唔多成只手掌咁大嘅鳗鱼放系珍珠饭上面，鳗鱼肉质滑而且软硬度啱啱好，唔会有骨，上面布满鳗鱼汁捞饭一流，而且份量都颇多。蜜糖鸡翼（ $48 )有六只咁多，鸡翼外层沾满左蜜糖汁，味道甜甜地几开胃，大家都食唔停口。我同另外两个朋友都系点左跟餐嘅玫瑰花茶，玫瑰花淡淡香味，非常顺口，大家不知不觉都倾
客人系先点餐，之后等叫Number ,我哋就可以出去拎嘢食，厨房都整得好快手，我哋等咗大概5分钟就有得食。
柚子酱油烧整黑豚珍珠饭（$58）
猪肉份量不少，够肉汁唔会干争争，猪肉系半肥瘦，夹有少少肥肉，味道不错，最有惊喜嘅系猪肉会食到少少羊肉嘅味道。
安格斯牛肉汉堡配脆薯（ $68）
一拎到个餐，就俾个包嘅份量吓亲，差唔多有半个盒咁大，一打开包装纸，沙律菜劲多到，牛肉够juicy ，连包皮都系有焗过，脆脆地，食完个包都劲饱，但我冇放过啲薯条，薯条系我最钟意嘅厚切，啱啱炸出嚟热辣辣，点埋茄汁真系一流。
蒲烧鳗鱼珍珠饭（$73）
差唔多成只手掌咁大嘅鳗鱼放系珍珠饭上面，鳗鱼肉质滑而且软硬度啱啱好，唔会有骨，上面布满鳗鱼汁捞饭一流，而且份量都颇多。
蜜糖鸡翼（ $48 )
有六只咁多，鸡翼外层沾满左蜜糖汁，味道甜甜地几开胃，大家都食唔停口。
我同另外两个朋友都系点左跟餐嘅玫瑰花茶，玫瑰花淡淡香味，非常顺口，大家不知不觉都倾左两个钟头计，呢间餐厅真系不错，下次可以再嚟打趸。
张贴
