弁当焼 (已結業)

今次已经系我第二次嚟买呢个弁当食。见佢新出咗沾面便当咪买返屋企人分享。成个便当包咗炭同火柴，随时随地都可以享受到烧肉嘅乐趣。今次再食咗比较靓嘅牛肩胛肉，香甜多汁，点烧肉汁食一流，仲有饭、前菜。够晒一个人食。另外有新出嘅沾面便当，用炭火烧滚沾面汁。有半个糖心蛋同埋两片叉烧，仲有竹笋同紫菜。分分钟平过出面拉面舖嘅沾面。最紧要系可以拎返屋企慢慢食仲要热辣辣。便当可以keep到2个钟头，屋企远啲都冇问题。