i kitchen (已結業)

今餐都系谂住轻轻松松食餐便饭，而今次令我想写下食评。我哋好钟意食肠所以就嗌咗呢个🌟扒德国肠拼盘🌟😂😂有齐四种肠，巴雷特猪肉肠，维也纳肠，芝士鸡肉肠，苏宝力肠，分量都好大㗎。 而每款唔同肠细心食会发现佢地既口味，咸淡，口感等都有唔同，而我个人既最爱系巴雷特猪肉肠，口感比较实在，而猪肉既香味都好出，正！想湿下口可以试下🌟米兰海鲜汤🌟。大大只虾喺碗汤上已经好吸引。饮落口每一啖都系鲜味，暖暖窝心。🌟西班牙海鲜➕辣肉肠➕鸡肉炖饭🌟钟意食海鲜一定要嗌呢个因为啲海鲜劲大旧，有蚝有带子有虾。饭都软绵绵好易入口，加埋辣辣地嘅肉肠同埋嫩滑嘅鸡肉，感觉好温暖。🌟澳洲榖饲牛肉眼配松露烧汁🌟钟意食牛扒就梗系要试呢个啦。想赞下个松露烧汁，因为出面通常都系普通烧汁，好少话有松露嘅。呢个真系好香口，配搭影软软牛扒就一流。