居廬 (已結業)

今日去到呢间take a break咁我哋呢一入到去啦，就睇吓个Menu就比呢个墨西哥芝士肉酱粟米薄脆吸引到个栗米薄脆到咗嘅时候我不禁说出：「哗，成座山咁。」个侍应呢都笑笑口咁话：「系呀都几多㗎。」芝土有拉丝的效果，肉酱的味道都好浓郁，咁佢另外都配左两只酱就系酸忌廉同埋蕃茄沙沙酱，咁酸忌廉就冇乜特别啦就系普通嘅酸忌廉咁，而番茄嘅沙沙酱呢食落就好清爽酸辣酸辣咁样，正正正。我地又叫左个all day breakfast,佢地的猪肉肠比较出色，烟肉唔够脆口，黑松露炒蛋松露味较淡，牛角包好重牛油味，其他的配菜就普通啦。而我系呢间cafe最中意就系呢杯玫瑰朱古力，呢杯野真系超好味，浓浓的朱古力中带有少少的玫瑰花清新的花香，真系好有惊喜，经过到一定要试下。