影片
更多
2024-04-12
1640 浏览
又萌生「火锅瘾」啦，想品尝高质嘅台湾味道又飞唔到去台湾当地，嚟犇殿台湾火锅开餐就得喇✨ 个人觉得［犇殿］系一间食完会念念不忘，回访率极高嘅台式火锅餐厅～贯彻台式火锅吃到饱文化，餐厅推出90分钟吃到饱放题，如果系爱肉之人🥩就更加唔可以错过「澳洲M9和牛套餐」，呢个套餐包括多种顶级牛肉，另外仲有羊肉、鸡肉、猪肉可供选择～套餐会再送一份「神仙牛肉」及「海鲜拼盘」等，带来独特嘅台式体验，可以尽情享受火锅嘅美味🥢环境方面，第一感觉系好企理，望望自助区摆放咗多款火锅配料及台式小食，仲有甜品同大量款式饮品任拣，见到咁多美食就令我回味台湾点点滴滴...小食未开始打边炉食住少少小食医肚先😂当晚我哋见到地瓜球、关东煮、饺子、南瓜饼、卤肉、鸡脚、小笼包等等，仲有凉拌及台湾香肠，见到啲肠仔喺机度滚下滚下咁真系好似翻咗台湾咁😂 个人觉得系将所有菜品试一轮都食唔晒咁丰富！未进入直路 (打边炉) 已经食欲大增，食到好满足！汤底美白凝肤牛乳锅系打炉嘅重头戏，第一次食就被惊艳到✨奶白嘅汤底好有滋润感觉，入面有少少菇类同埋秋葵片，个汤越煮越香，煮肉、煮菜、煮海鲜定煮面都令味道升华不少！先试啖靓汤跟住先开始打边炉了✨肉类我
又萌生「火锅瘾」啦，想品尝高质嘅台湾味道又飞唔到去台湾当地，嚟犇殿台湾火锅开餐就得喇✨ 个人觉得［犇殿］系一间食完会念念不忘，回访率极高嘅台式火锅餐厅～贯彻台式火锅吃到饱文化，餐厅推出90分钟吃到饱放题，如果系爱肉之人🥩就更加唔可以错过「澳洲M9和牛套餐」，呢个套餐包括多种顶级牛肉，另外仲有羊肉、鸡肉、猪肉可供选择～套餐会再送一份「神仙牛肉」及「海鲜拼盘」等，带来独特嘅台式体验，可以尽情享受火锅嘅美味🥢
环境方面，第一感觉系好企理，望望自助区摆放咗多款火锅配料及台式小食，仲有甜品同大量款式饮品任拣，见到咁多美食就令我回味台湾点点滴滴...
小食
未开始打边炉食住少少小食医肚先😂当晚我哋见到地瓜球、关东煮、饺子、南瓜饼、卤肉、鸡脚、小笼包等等，仲有凉拌及台湾香肠，见到啲肠仔喺机度滚下滚下咁真系好似翻咗台湾咁😂 个人觉得系将所有菜品试一轮都食唔晒咁丰富！未进入直路 (打边炉) 已经食欲大增，食到好满足！
汤底
美白凝肤牛乳锅系打炉嘅重头戏，第一次食就被惊艳到✨奶白嘅汤底好有滋润感觉，入面有少少菇类同埋秋葵片，个汤越煮越香，煮肉、煮菜、煮海鲜定煮面都令味道升华不少！先试啖靓汤跟住先开始打边炉了✨
肉类
我哋叫嘅「M9澳洲和牛任食餐」包括多款牛肉，例如澳洲M9和牛、美国极佳牛肩胛肉、澳洲特选牛肉、安格斯牛肉、美国牛板腱、牛胸爽🥢另外仲有美国猪梅花、纽西兰羊肉卷同阿嬷烧酒鸡可供选择，QR code落单好方便～想叫肉郁郁手指就OK喇!! 澳洲M9和牛系必试嘅，油脂分布得刚刚好，油香同牛肉味一样咁浓，肉质鲜甜唔驶沾酱食都一样咁正～美国极佳牛肩胛肉同样属于高端嘅牛肉部位，多汁嫩口，亦非常值得推荐!! 另外送嘅神仙牛肉油脂比较丰富，牛肉以木架呈上，大大块嘅块仙牛肉垂直挂喺上面，好有气势兼打卡一流！
海鲜拼盘
海鲜拼盘有大大只鲍鱼、扇贝、海虾、广岛蚝同沙白，食材款款新鲜👀 鲍鱼口感适中唔会太韧；扇贝及海虾展现咗独特嘅海洋鲜味；广岛蚝同沙白亦满足到我对时令海鲜嘅需求😚 其实只食呢轮海鲜拼盘已经值回票价！当然唔满足嘅都仲有海班片、鲷鱼片、墨鱼仔、海虾、海蚬、墨鱼滑、鱼青滑可以扫Code落单任食🙆🏻♀️
火锅配料
自助区有多款蔬菜、丸类等，种类选择多到讲唔哂🤤 而且都摆放得好整齐。另外比较特别嘅火锅配料有蜂巢豆腐、百页豆腐、手工蛋饺、炸鱼皮、台式鱼饺、福建燕饺，一样可以扫Code落单，款款花多眼乱，捧晒腹咁都未必试得晒～
饮品
好大个饮品柜喺出面任拎🥤有好多选择，冷泡茶、特色罐装饮品、汽水等应有尽有😆
甜品
即使嚟到尾声，意志力亦毫不薄弱，饱济感完全抛脑后💪🏻记得食埋甜品就刚好完满👍🏻 除咗雪糕雪条，仲有自助芋圆仙草区，当中有数款配料供搭配，芋圆超超超烟韧Q弹，仙草亦好食👍🏻自己DIY特别有满足感😋
张贴
