浪人日本料理 (已結業)

适逢新旧同事交替，因为大家都好日本菜，揾咗间日本餐厅欢迎同欢送几位好同事睇咗张menu好耐，女人果然系三心二意，样样都想食哈哈，最后拣咗个豚肉锅啦上菜速度有啲慢，但我地一行十几人，所以可以理解嘅，。一上菜不得了，呢个set实在包好多嘢，有前菜、沙律、味噌汤、蒸蛋同主菜，甜品就要另外加钱。我地之前都试咗好几间日本餐厅，啲配菜大同少异。呢间嘅配菜认真啲，例如个沙律上面有啲薄薄嘅脆脆，味噌汤入面加咗，蒸蛋入面都加咗海鲜。至于个豚肉锅，个汤底好甜，入面都有好多唔同种类嘅蔬菜，豚肉分量都几多下，块块都厚切，而且咬起嚟几爽口(虽然肥羔都几多下，不过咁先好食㗎嘛)食哂所有嘢已经好饱，无肚再食甜品啦，唯有下次再试啦