創味坊 (已結業)

夜晚同班朋友一行4人差唔多9点先食饭，呢区本身附近人流就唔多，所以坐得好舒服唔会太嘈。环境好有格调，冷气好够但唔会太冻，光线好啱selfie或影食物😂老板亲自来招呼我地，首先俾壶冰水上台，简单系爽YY。最欣赏个足料入味又大煲既汤，每人都饮2-3碗，饮唔晒都要打包，最啱忙到冇时间返屋企既人士，润到一个点。老板推介既黄花鱼都好正，好滑，一点都唔腥，好味到唔记得影相就食左仲叫左碟腐乳通菜鲜鱿、东风螺、沙嗲金菇肥牛煲，冇惊喜，正常。但欣赏佢既细心，因为我地成班女仔食得慢，佢会见我地食到一半先上另一碟。最惊喜系食到差唔多老板送左碟朱古力一口多士俾我地食😍😍😍😍仲提我地影相share 上fb tag 佢地全单9折！