巴沙新加坡小品 (已結業)

如果唔系铺喇沙瘾起，我系唔会谬谬然走入o黎。喇沙唔系度度识整，唔系话求其有个橙色汤底，加D味精就系喇沙，同样碗大，未必代表料多。其实讲到尾，喇沙就系新加坡车仔面，成个面o既灵魂就系个汤底，躯壳就系d面。躯壳系用黎装住灵魂o既容器，当d面索o左个汤底，灵魂先至算同躯壳合二为一。呢到o既灵魂标榜有落蛳蚶，但鲜味却欠奉；躯壳则太细小，而且够胆用濑粉充当主角，成$48蚊碗大ga，系咪应该对d客有d交代呢？材料亦有小虾(餐牌上写大虾)、鱼片、豆卜、鱼丸、墨鱼丸&蛋，但系货色远比港式鱼蛋粉逊色，鱼片鱼丸一d都唔弹牙，面且份量太少，除豆卜外，鱼丸鱼片只得一粒，蛋得半只。。通常四十几蚊已经可以食到捧住个3个月大o既肚好满足咁走，今次肚皮仍然感到空虚无比。睇得出老板想早日回本，店内所有食物价格偏高，同上篇食评一样，有冇人入黎食又系下回分解。