熊貓烘焙

营业中

休息中

同朋友去湾仔一带觅食，走之前不如买返啲「手信」畀屋企人啦！我哋去咗之前好hit嘅熊猫烘焙，买佢好出名嘅「阳光牛奶挞」～点解呢个挞会喺铺头嘅招牌美食？皆因佢个样零舍不同，生得比平时食开嘅蛋挞高啲，有差不多6cm高！挞皮用上牛油曲奇挞皮，酥皮派嘅朋友就未必好啱食啦。入面嘅蛋浆牛奶香味逼人，好滑溜，食完都好饱肚。价钱方面，每个盛惠$16蚊，唔算好亲民，但未食过绝对可以试一次。除咗牛奶挞，店舖入面仲有好特别嘅德式柠檬挞，直径大约11cm，好大个，盛惠$36。呢两款挞都有固定嘅出炉时间，顾客亦可以事前预订，咁就唔使惊买唔到～当日所见，街坊反应都相当热烈，好多人都一次预订好多个，同家人朋友分享！幸运嘅系，每次出炉嘅蛋挞数目都唔少，见到职员不断起模入盒，而且出炉时间密，所以即日去都唔惊买唔到。