影片
更多
2010-05-02
19 浏览
食物质素每况愈下。。。我对佢哋啲服务从不有要求（因为嬲得多麻木咗），不要太过份就算。因为喺屋企附近，久唔久屋企唔开饭会去食。佢啲𩠌一向唔健康，多油多茨。今晚真系唔写食评唔得。除咗冬瓜盅ＯＫ同片皮鸭好食（不计配菜青瓜同红萝卜，应该几唔新鲜，已经有啲似菜干）之外，有啲𩠌真系见到都唔开胃：＊海皇烧豆腐：‘海皇’都唔知系乜，啲虾已经够细，仲要切开，又多茨。成碟嘢好似浆糊煮豆腐，唔驶放耐已经好黏，最后我哋要用茶冲吓至入得口！＊美味煎蚝饼：可能我少食蚝饼，记忆中应该系圆形的，呢度𠮶碟似炒蛋(如图，一上桌即影)。。。只碟好热（我唔信佢将只碟keep warm 咁卫生，因为其他𩠌只碟唔系），估佢系一早整定，有人叫就叮返热。当然系一啲香味都无又唔好食啦！＊梅菜蒸芥兰：一上桌就见到碟嘢好似打仗咁！又唔系炒菜，出嚟前都应该执吓先，抹吓碟边。不计卖相，味道就ＯＫ啦。耐唔耐俾次机会佢，不过往往叫我失望。。。
除咗冬瓜盅ＯＫ同片皮鸭好食（不计配菜青瓜同红萝卜，应该几唔新鲜，已经有啲似菜干）之外，有啲𩠌真系见到都唔开胃：
＊海皇烧豆腐：‘海皇’都唔知系乜，啲虾已经够细，仲要切开，又多茨。成碟嘢好似浆糊煮豆腐，唔驶放耐已经好黏，最后我哋要用茶冲吓至入得口！
＊美味煎蚝饼：可能我少食蚝饼，记忆中应该系圆形的，呢度𠮶碟似炒蛋(如图，一上桌即影)。。。只碟好热（我唔信佢将只碟keep warm 咁卫生，因为其他𩠌只碟唔系），估佢系一早整定，有人叫就叮返热。当然系一啲香味都无又唔好食啦！
＊梅菜蒸芥兰：一上桌就见到碟嘢好似打仗咁！又唔系炒菜，出嚟前都应该执吓先，抹吓碟边。不计卖相，味道就ＯＫ啦。
耐唔耐俾次机会佢，不过往往叫我失望。。。
张贴
