新泰東南亞餐廳 (已結業)

唔知系我要求高咗，定期望太大，之前嚟食每次都好好食，呢排有排无嚟，好似无之前咁高质，都好食嘅，但就无之前我心中食泰菜 No 1 首选嘅感觉了。今次啲嘢显然比之前食失色咗，不过今次又真系叫咗啲同以往唔同嘅嘢食。个椰青沙冰好饮嘅，食到有椰肉嘅，但冰份量有啲多，有时饮饮吓会畀冰cover 咗个椰青味。冬阴公系配合返香港人口味，香料无咁重，同埋唔辣，呜，有啲失望，想饮返辣𠮶个version, 虽然呢个系好饮，但正宗会再好饮10倍。牛油鸡翼系令人失望嘅dishes 之一，啲蒜粒腍哂唔脆，食落痴牙，鸡翼又系整得唔够脆，味道ok, 但质感有啲令人失望。海南鸡系失望位 2, 比起之前，今次只鸡无咁好食，有啲干，唔够肥美，太瘦，又唔够油，仲有啲血，半份嚟讲份量都有啲少。再失望啲系，叫𠮶阵有叫埋油饭，但上鸡嘅时候先话无哂油饭，呜，无油饭送嘅海南鸡，又点食到海南鸡饭嘅滋味呢，但上咗就废事咁核突叫人拎走啦。个虾酱炒饭系唯一一样惊喜嘅菜，好重虾酱味，但又唔会过咸，啲料捞埋一齐，口感/味道都变得复杂同好食咗，最正系佢个腊肠味都岀得啱啱好，唔会抢哂虾酱嘅味，加埋个肉松都系新鲜嘅肉松，唔会话口感好硬，捞匀哂个饭又啱啱