Mana Thai Kitchen (已結業)

见到OpenRice 个牛肉船面好吸引，个浓汤好似好正，而且一面倒得。所以今日过海做完嘢特登搭车过嚟食，点知，又系一个极失望嘅经历。个船河一上枱见到个汤底都知唔妥，个汤望落一啲都唔浓郁，同OpenRice 啲相相差甚远；个汤无乜牛味而且偏甜，味道就好似是但一间泰国或越南餐厅都做到嘅普通汤底，我唔觉得系一个特别经真材实料「肴」出嚟嘅汤底；而且果几条炸猪皮有好劲嘅油臆味。碗粉绝对唔系难食嘅，但真系好正常劲普通，感觉同食越栈无分别，咁点解我要特登搭车过嚟食呢？！而且杯青柠梳打，佢唔知系搅错定乜，唔系青柠系黄柠，而且应该系落咗柠檬汁开稀嘅，杯底果啲超酸。总括而言，正常过唔正常，唔洗特登揾黎食。后未埋单$82，openrice 果个牛肉船面系$120，而且我发现menu design 都同OpenRice 原本果个唔同，舖头名称冇变，所以我估可能系易咗手或者系转左大厨，所以质素差咁远。不过值得一赞系楼面叔叔好有礼貌而且热心帮忙，如果食物做返好应该还有潜力。