101台式休閒餐廳 (千色匯) (已結業)

话时话，我未去过台湾 101 架㖞⋯⋯我系指果栋摩天大楼呀，当然，如果呢间餐厅系台湾有分店，我都未去过。讲返呢间餐厅，开正系千色汇II 地下。超旺场，唔知系唔系最近新开既呢？太耐无落荃湾啦，以前系「味1k 拉面」个位。但地方好似细咗。望入去好似「大 carol」格式既快餐，但枱面有电磁炉㖞，睇下啲食客，有啲就一锅锅，有啲就一碗碗。再望望个餐牌，系有卤肉饭既，台式餐厅又点会冇卤肉饭呀⋯⋯叫个火锅试试先，佢个锅平底既，开头睇佢冇乜水，啲𩠌系面铺满晒，但煲到咁上下，弹汤㖞⋯⋯啲𩠌系丰富既，而且唔贵，我最欣赏系佢个手工拉面，索咗啲汤，少少辣又带少少甜。佢个肉燥饭都唔简单，大大碗都只是系$47。饭多，𩠌又多，仲铺咗好多紫菜丝，正。不过揸车既就有利有弊啦，皆因要等位，都去咗十几分钟，$200 先有 free 1 hr。两个人食饱都唔过 $200。但好在星期五晚都有车位既。