影片
更多
2024-10-15
607 浏览
朋友话最近去咗一间以猫猫为主题嘅餐厅，身为奴才嘅我二话不说就约埋主子契妈去试吓！Menu有好多款式，有拼盘又有散叫，店员推介我哋点做紧优惠嘅「厚切和牛猫罐头」，大大份先话$268，啱晒唔想用脑只想食肉嘅我哋！呢个拼盘一上枱就令我哋好兴奋，因为佢用一个巨型猫罐罐装住啲肉，店员一打开罐盖，干冰嘅烟雾效果就出晒嚟, 非常高级，梗系要狂影相啦！猫罐罐入面有厚切美国牛肋、厚切西班牙黑毛猪五花、厚切牛舌、厚切日本宫崎A5和牛同埋厚切澳洲縠饲牛板腱，冇错！呢个罐入面全部都系厚切，啖啖肉真系好满足！除咗厚切牛舌比较难咬之外，其他肉都好腍，主打嘅A5和牛真系好好食，油花分布刚好，唔会成口油～一场嚟到，我哋仲点咗电视节目有介绍嘅猫抓泡椒肥牛，见到一排肥牛上面满满嘅泡椒酱料，两个人合力夹住头尾搬上去烧烤炉，好快就食得！呢款肉真系全场惹味NO.1，泡椒辣得嚟好清新，虽然食完要饮水解解辣，但真系辣得好过瘾呀～朋友见猫抓洋葱牛小粒都系餐厅推介，就心思思想点嚟食，但之前同佢食烧肉放题食到咬唔烂嘅牛小粒，我哋都有啲担心同类产品会唔会有一样问题。结果呢度嘅牛小粒冇筋之余仲好软腍腍，而且份量都多，仲炒埋个洋葱嚟食，劲香口
朋友话最近去咗一间以猫猫为主题嘅餐厅，身为奴才嘅我二话不说就约埋主子契妈去试吓！
Menu有好多款式，有拼盘又有散叫，店员推介我哋点做紧优惠嘅「厚切和牛猫罐头」，大大份先话$268，啱晒唔想用脑只想食肉嘅我哋！
呢个拼盘一上枱就令我哋好兴奋，因为佢用一个巨型猫罐罐装住啲肉，店员一打开罐盖，干冰嘅烟雾效果就出晒嚟, 非常高级，梗系要狂影相啦！
猫罐罐入面有厚切美国牛肋、厚切西班牙黑毛猪五花、厚切牛舌、厚切日本宫崎A5和牛同埋厚切澳洲縠饲牛板腱，冇错！呢个罐入面全部都系厚切，啖啖肉真系好满足！除咗厚切牛舌比较难咬之外，其他肉都好腍，主打嘅A5和牛真系好好食，油花分布刚好，唔会成口油～
一场嚟到，我哋仲点咗电视节目有介绍嘅猫抓泡椒肥牛，见到一排肥牛上面满满嘅泡椒酱料，两个人合力夹住头尾搬上去烧烤炉，好快就食得！呢款肉真系全场惹味NO.1，泡椒辣得嚟好清新，虽然食完要饮水解解辣，但真系辣得好过瘾呀～
朋友见猫抓洋葱牛小粒都系餐厅推介，就心思思想点嚟食，但之前同佢食烧肉放题食到咬唔烂嘅牛小粒，我哋都有啲担心同类产品会唔会有一样问题。结果呢度嘅牛小粒冇筋之余仲好软腍腍，而且份量都多，仲炒埋个洋葱嚟食，劲香口！
食完咁多肉，当然唔可以错过甜品啦！呢度嘅甜品款式比同类烤肉店多，而且款款都好啱用嚟打卡～我哋点咗一人一个猫抓焦糖布丁，$22呢个价钱真系冇得挑剔，即叫即做，上面仲有一个可爱猫手～最后仲忍唔住再叫多个白喵雪花冰，层次分明，又靓又好食！因为甜品即叫即做，建议大家要早15分钟就落定order，咁就唔驶慢慢等啦～！
又有和牛又有甜品，最后埋单每人唔驶$300，我哋就觉得抵过食放题，朋友仲话下次要叫朋友嚟试试，可以再战！
张贴
