湘聚漁樂圈 (已結業)

话说肥妹仔嘅家姐好钟意食辣嘢，而佢亦都叫咗好多次想试下酸菜鱼，所以肥妹仔今晚特登同肥家姐一齐去咗呢一间位于铜锣湾湘聚渔乐圈度食湘菜酸菜鱼。蒜香排骨  $98我哋一行三人叫咗个蒜香排骨， 呢一个蒜香排骨系超香蒜味，钟意食蒜嘅朋友一定要试!佢嘅外皮炸到脆卜卜，但系入面嘅肉仲系好嫩滑，一咬系啲肉汁系爆出嚟。山笋干肉丝  $98肥妹仔嗌呢一个本身系想试下山笋干，但系点知成碟嘢只系得笋，都冇肉丝。呢度肥妹仔比较失望!不过佢味道唔错，食落去爽口同埋咸香，攞嚟捞饭真系一流。酸菜桂花鱼小辣  $268呢个先系精髓，成餐饭嘅重点!佢呢一个酸菜桂花鱼真系超级好食，因为肥妹仔唔食得好辣所，以叫咗个小辣。佢嘅桂花鱼份量好多，而且肉质系超级嫩滑，非常之入味，唔会食唔饱。同埋佢嘅配菜系有百页豆腐，金针菇，酸菜同埋寛粉，每一样配菜都系吸味之选，每咬一口就好似将个汤饮咗落去咁样，呢个肥妹仔系超超超超级推介畀大家。水饺  $48呢个系肥妹仔惊唔够饱所以再叫多个水饺。佢嘅水饺好似肥妈整嘅水饺，好有家嘅味道。酱油蛋炒饭  $88炒饭粒粒分明，唔会好咸，攞嚟捞𠮶个山笋干肉丝同桂花鱼超级好食。肥妹仔食到一粒饭都冇净。