小憩片刻·雞湯·麵·串燒 (已結業)

由佢开舖冇耐都已经一直有帮衬，因为啲鸡汤真系好好味，我习惯食佢嘅云吞淮山面，不过就会将个鸡汤转做椰子鸡汤, 一直以来都冇讲过话有需要额外收钱. 今日如常去点餐嘅时候都同侍应哥哥讲咗话想将个汤转做椰子鸡汤，不过上菜嘅时候原来厨房冇转到，所以侍应哥哥就话佢会叫厨房再比一碗椰子鸡汤我. 到埋单嘅时候发觉有个$10嘅另外收费, 问详情之下先发觉因为侍应哥哥喺落单嘅时候唔记得同厨房讲话要转椰子鸡汤，所以要另外再开单. 但系我唔系好明，其实个顾客喺落单嘅时候已经讲咗话要转椰子鸡汤，咁系侍应同厨房冇沟通点解要将呢个价钱转嫁比消费者呢?