影片
更多
2008-01-12
22 浏览
同屋企人出街食饭，虽然拣番食住家饭，但比起晌自己屋企好𩠌好多，唔系普通家常小菜。4个人点咗4个𩠌（阿麻鸡、南瓜排骨盅、蒜茸菜心、西兰花花枝片），1个饭（鲍鱼鸡粒竹筒饭）同1个老火汤（霸王花煲鸡脚），你话喇，屋企食边有咁好𩠌呀？阿麻鸡同南瓜排骨盅系订枱时个侍应推介，问使唔使预订一客，见推介得都不妨一试，反正个鸡都系$45（例牌）一客，而个南瓜盅就贵D，要$75一客。前者，我觉得佢好似豉油鸡同沙姜鸡嘅混合版，个样好似豉油鸡，食落又好有沙姜味，味道系唔错，鸡都算嫩滑，此外就无乜特别，未食过可以点哩试吓，但下次再哩可以悭番。至于后者，真系好掂，首先卖相几得，原个南瓜跟炆排骨一齐上，不单止里面嘅排骨可以食，成个南瓜壳一样食得。仲唔只咁，个南瓜起晒里面D肉，去咗皮，只留番薄肉一层嘅南瓜壳蒸腍，用匙羹好易轧开D南瓜肉哩食，好方便；而排骨唔肥，更意想不到系佢将之前起晒嘅南瓜肉用哩一齐炆排骨，所以，D排骨好有南瓜香味；你见到个南瓜盅里面有好多汁，其实可以讲系南瓜蓉，再加埋有D素翅系度，捞饭更加一流，所以，$75都好值！另外，佢个鲍鱼鸡粒竹筒饭都唔错，个竹筒都唔细，成尺几长，里面由头到尾都装得满满鲍鱼鸡粒
）同1个老火汤（霸王花煲鸡脚），你话喇，屋企食边有咁好𩠌呀？
阿麻鸡同南瓜排骨盅系订枱时个侍应推介，问使唔使预订一客，见推介得都不妨一试，反正个鸡都系$45（例牌）一客，而个南瓜盅就贵D，要$75一客。前者，我觉得佢好似豉油鸡同沙姜鸡嘅混合版，个样好似豉油鸡，食落又好有沙姜味，味道系唔错，鸡都算嫩滑，此外就无乜特别，未食过可以点哩试吓，但下次再哩可以悭番。至于后者，真系好掂，首先卖相几得，原个南瓜跟炆排骨一齐上，不单止里面嘅排骨可以食，成个南瓜壳一样食得。仲唔只咁，个南瓜起晒里面D肉，去咗皮，只留番薄肉一层嘅南瓜壳蒸腍，用匙羹好易轧开D南瓜肉哩食，好方便；而排骨唔肥，更意想不到系佢将之前起晒嘅南瓜肉用哩一齐炆排骨，所以，D排骨好有南瓜香味；你见到个南瓜盅里面有好多汁，其实可以讲系南瓜蓉，再加埋有D素翅系度，捞饭更加一流，所以，$75都好值！
另外，佢个鲍鱼鸡粒竹筒饭都唔错，个竹筒都唔细，成尺几长，里面由头到尾都装得满满鲍鱼鸡粒炒饭，绝无欺场，而且饭粒都炒得够干身，材料都好足，唯一要弹肯定系个名啦，话就话竹筒饭，查实都唔系好觉有竹嘅香味，不过，系个卖相几讨好。卖$55一客，算系咁啦！
食住家饭，点可以无碗靓汤，依度每日提供一款老火汤，今次系霸王花煲鸡脚，果然无味精，$35一煲（瓦煲），斟斟吓都有好多碗，抵饮！临尾仲送埋个免费糖水，红豆沙，但味道好淡，唔多好食。4个人食到饱晒，无收茶芥，不过要加一，总共都系$320，认真抵食！
张贴
