影片
更多
2019-07-28
256 浏览
香港各大商场可以行嘅都已经行晕哂咁滞，同男朋友开始转战D工厦反而揾到唔少惊喜，又平靓正嘅野，系骆驼漆我地就买左唔少日本特色产品~哈哈! 行到咁上下，我地都攰攰地，于是就去左观塘另一幢工厦度觅食。我地去左之前小仪介绍过嘅文青Café度食野，呢间Favillcafe位于开源道嘅开联工菜中心6楼，如果唔系之前听过介绍，应该未必识揾上门。餐厅嘅装潢非常日式，木纹嘅墙身、Menu、提示牌；蓝色砖墙；简约的餐桌布置；白色柔和灯光之下，呢度俾到一种舒适放松嘅感觉我地，系个可以安心坐一个下午放松嘅好地方。我地叫左个慢煮封门牛柳定食($108)、和式全日早餐($128)、酸种包($12)，每人再分别叫左杯澳式鲜奶咖啡($38)同埋浓缩玛奇朵咖啡($35)。慢煮封门牛柳定食，摆盘十分靓，好钟意佢地嘅碟白色碟身，有蓝色花瓣咁嘅纹理。定食有个海台野菌大葱汤，味道清淡天然嘅味道；封门牛柳本身牛味好浓郁，慢煮令佢肉质保持嫩滑口感爽而不鞋，再有少少嘅酱汁，配上口感软绵有咬口嘅珍珠米，上面有少少饭素。咁多野样Mix埋一齐食非常好食，亦都好好送饭。跟餐有个蕃薯蓉沙律，店家系沙律入面加左少少沙律酱、亚麻籽、松子仁等，薯蓉
我地去左之前小仪介绍过嘅文青Café度食野，呢间Favillcafe位于开源道嘅开联工菜中心6楼，如果唔系之前听过介绍，应该未必识揾上门。
餐厅嘅装潢非常日式，木纹嘅墙身、Menu、提示牌；蓝色砖墙；简约的餐桌布置；白色柔和灯光之下，呢度俾到一种舒适放松嘅感觉我地，系个可以安心坐一个下午放松嘅好地方。
我地叫左个慢煮封门牛柳定食($108)、和式全日早餐($128)、酸种包($12)，每人再分别叫左杯澳式鲜奶咖啡($38)同埋浓缩玛奇朵咖啡($35)。
慢煮封门牛柳定食，摆盘十分靓，好钟意佢地嘅碟白色碟身，有蓝色花瓣咁嘅纹理。定食有个海台野菌大葱汤，味道清淡天然嘅味道；封门牛柳本身牛味好浓郁，慢煮令佢肉质保持嫩滑口感爽而不鞋，再有少少嘅酱汁，配上口感软绵有咬口嘅珍珠米，上面有少少饭素。咁多野样Mix埋一齐食非常好食，亦都好好送饭。跟餐有个蕃薯蓉沙律，店家系沙律入面加左少少沙律酱、亚麻籽、松子仁等，薯蓉沙律凉浸浸得黎，味道带微甜酸甜酸，十分开胃。
和式全日早餐都有几多野食下，有蒲烧鳗鱼、味噌炒蛋、香肠、沙律同埋牛油吐司。鳗鱼应该系自己烧，唔会太重酱油味，鱼肉够厚够肥美，入面滑溜鱼香味重！炒蛋用左日本蛋，蛋味够香够滑，味道确实唔错。
男朋友见度有个酸种包，好奇叫左份黎试下，口感好有趣，有种酸酸地嘅味道，包质烟烟Un Un。
呢度嘅咖啡系由咖啡调配师准备嘅，非常有心！澳式鲜奶咖啡，奶味比一般街饮到嘅浓好多，而咖啡口感带少少苦，入口几顺滑。
浓缩玛奇朵咖啡，咖啡味非常出色，味道系先有苦味，过一阵即回甘，味道系口腔入面逗留好耐，钟意饮咖啡嘅人不妨一试！
呢度D野So far都几健康同食落唔似有味精，环境都舒服，下次可以再黎一试。
张贴
