新志記海鮮飯店 (已結業)

今晚平安夜费事同人逼食圣诞西餐，于是打算去食中菜，原先谂住去上海街或者石硖尾帮衬另外两间以前帮衬过都几好嘅小菜馆，点知去到太子，见到呢间朋友曾经介绍过话d小菜都唔错嘅小店，费事再行来行去，于是同太座入去试吓佢d手势。呢度地方系街坊左d，d一睇就知做左好耐嘅伙计d服务态度系比较普通，不过佢d小菜真系一d都不赖。今晚见系平安夜，谂住食得丰富d，两个人叫左两𩠌一汤，加个招牌生炒糯米饭，哈，样样味道都唔错㖞！1）生炒糯米饭：系最耐先到嘅，因为系即炒，所以要耐d，d饭好干身，睇得出一粒粒饭系分开嘅，唔系一旧旧，料虽然唔算太多，不过都ok，而且面头仲有蛋丝点缀，味道也好！2）西柠鸡：味道都唔错，不过d柠檬唔系咁靓，有d苦味，所以搞到有d鸡都有少少苦，不过整体味道都算唔错嘅。3）瑶柱扒豆苗：分量够多，味道也不错，系咸左少少咁多。4）海底椰螺头炖鸡脚：原本想饮好耐冇饮过嘅杏汁炖白肺，不过伙计话已经卖晒，所以改饮呢个汤，哈！味道又几好㖞，而且d料都几够，下次一于来试试个白肺汤先！埋单食到饱饱，仲有消滞橙一碟，都系二百蚊多d落楼，平安夜晚饭，都算好抵啦！