車品品小食 (已結業)

几日前收工落大雨，经过平日要排队嘅车品品无人等就走入去试下。叫野嘅方法系喺个位到写好呢出去交低，成间野得两个人所以野食都要等下。叫左糖醋溏心皮蛋($12)，太肚饿唔记得影相。溏心皮蛋切开一半，上碟时糖放左旁边，再倒枱上嘅醋落d糖到。好少咁食，甜甜地几特别，食到尾果淡唔估点解突然有苦味。整体黎讲我只可以话几特别，但比起平时喺其他地方食嘅尖椒皮蛋果d，我绝对唔会再拣咁食。跟著叫左车仔面：牛腩($17) + 萝卜($9) + 蛋粗面($10)。一开始佢比错左个大杂面我，真系超多 再等左一阵我果碗终于黎了！唔似得出面普通平价车仔面，佢真系几多𩠌，个汤底超浓好深色，d牛腩都系，个汤甜甜地，开头加埋质感几好而又冇咩味嘅蛋粗面食都几开心，但愈食就愈觉得腻。最后食唔哂兼好济咁离开。作为一间小店野食确实唔普通，但系味道觉实唔系好对我嘅口味，未食过可以试下，但系叫我再黎就应该未必会。