敏華冰廳 (新都城中心二期)

营业中

休息中

敏华餐厅都有近20间分店，部份分店有新鲜出炉嘅包饼，而新都城分店系一间舖位较细，座位亦较逼嘅餐厅。我哋一行四人坐咗位于门口嘅大圆枱，餐厅自助形式电脑落单，而且可以按自己要求订制口味，可选八达通或现金付款后职员就会将食物送上，更快捷，准确。茶餐-荷兰炼奶西多士，当小食，牛油唔系太易溶，中间唔系花生酱，我觉得一般。常餐-够姜猪膶牛肉汤米粉拼炒滑蛋及欧式软多士，平时唔食米粉嘅我都觉得米粉好味，够淋但仍然有咬口，猪膶唔老，个汤底唔重味精。特餐-敏华黯然销魂饭，系餐厅必试嘅食物之一，自订口味可以拣叉烧肥瘦，煎蛋嘅制法，汁饭多少，叉烧水准真系唔错，有少少似猪颈肉嘅油脂咁平均，够厚，少少鞋都无，仲有少少焦位，唔会好似平时食烧味饭咁食到最后好干。特餐-超大鸡扒饭，鸡扒大块厚身无雪味，外脆内嫩。特餐-超级杂扒饭( 鸡扒，猪扒，肠仔，餐肉)，想多啲肉类选择呢个就啱晒，扒类舖平都差唔多盖晒成只碟，鸡扒就同上面一样，猪扒都唔错㗎。 饮品冻饮加$3，特饮加$6。