影片
更多
2021-11-11
538 浏览
喺附近住配合返香港人嘅生活时间一般都会买外卖长期都帮衬呢间佢嘅叉烧同埋烧肉真系冇得输每一次都会嗌埋滑蛋佢啲组合系好完美而且食物次次都好新鲜好有水准佢啲姜蓉又唔咸总之成个组合系你食完会好满足同埋好满意$72蚊系好值得比.今日 11/11 令我完全改观嘅一次经验平时舖头系一个后生女负责落单同埋一个戴帽有口音嘅师傅切叉烧同埋整理个饭今日舖头买换左一个Bob头嘅阿姨同埋一个新嘅师傅我唔知道系佢哋配合上有唔如意嘅地方定系两位都系新手首先我去到柜台嘅时候 阿姨喺度整理紧外卖于是我企喺前面等 阿姨问我：你要咩我话：我想嗌外卖 不过你可以整埋手头上嘅先;)佢一边整理佢手上嘅外卖 同我讲：你嗌啦！咁我就开始落单 然后落到一半佢同我讲：你等阵(将心比心你会点谂)然后佢又继续整理佢手上嘅外卖 再返嚟同我讲：你要咩话？首先我唔系冇比时间你去整理手头上嘅外卖你用好差嘅态度同我讲你嗌啦 我都觉得冇问题 明白你有事忙紧到我嗌嘅时候你又叫我等阵如果你唔能够一心二用嘅话麻烦你处理好自己手头上面嘅嘢先到我落好单继续等师傅整野相信师傅并唔系熟手因为本人嗌嘅系双拼饭再加煎蛋正常嘅做法 包括间铺嘅图片显示 以及过往食咗几十次嘅
配合返香港人嘅生活时间一般都会买外卖
长期都帮衬呢间
佢嘅叉烧同埋烧肉真系冇得输
每一次都会嗌埋滑蛋
佢啲组合系好完美
而且食物次次都好新鲜好有水准
佢啲姜蓉又唔咸
总之成个组合系你食完会好满足同埋好满意
$72蚊系好值得比
.
今日 11/11 令我完全改观嘅一次经验
平时舖头系一个后生女负责落单
同埋一个戴帽有口音嘅师傅切叉烧同埋整理个饭
今日舖头买换左一个Bob头嘅阿姨同埋一个新嘅师傅
我唔知道系佢哋配合上有唔如意嘅地方
定系两位都系新手
首先我去到柜台嘅时候 阿姨喺度整理紧外卖
于是我企喺前面等
阿姨问我：你要咩
我话：我想嗌外卖 不过你可以整埋手头上嘅先;)
佢一边整理佢手上嘅外卖 同我讲：你嗌啦！
咁我就开始落单 然后落到一半佢同我讲：你等阵
(将心比心你会点谂)
然后佢又继续整理佢手上嘅外卖
再返嚟同我讲：你要咩话？
首先我唔系冇比时间你去整理手头上嘅外卖
你用好差嘅态度同我讲你嗌啦 我都觉得冇问题 明白你有事忙紧
到我嗌嘅时候你又叫我等阵
如果你唔能够一心二用嘅话
麻烦你处理好自己手头上面嘅嘢先
到我落好单继续等师傅整野
相信师傅并唔系熟手
因为本人嗌嘅系双拼饭再加煎蛋
正常嘅做法 包括间铺嘅图片显示
以及过往食咗几十次嘅经验
煎蛋都会铺喺饭上面 然后将啲烧味放上去
师傅将烧腩仔同埋碎嘅叉烧放上去个饭度
然后唔记得咗睇张单我有加煎蛋
然后佢好快速咁俾咗两只煎蛋
一Pat咁放咗喺个饭同啲烧味喺上面
第二个饭 啊师傅又唔记得咗加左滑蛋
如是者一样做法
好似求其将啲垃圾放喺个饭上面咁样
唔好意思可能系我先入为主
平时你哋呢间铺做得太好
应该系话平时嘅后生女同埋带有少少口音嘅师傅做得太好
所以我先帮衬完一次又一次
如果你哋作为员工会睇到呢一篇食评
希望你哋内部都作出相对嘅沟通
今次呢两位同事真系令我好失望
自问唔系鸡蛋里面挑骨头嘅人
钱我已经俾咗 食物你亦都整咗
作为一个有公德心嘅消费者
我继续喺度等
我亦都唔系要喺度唱衰呢间铺
平心而论佢嘅食物系有水准(平时)
希望今次只系单一事件以及个别员工未熟手所导致
讲真今次真系好失望！
张贴
