影片
更多
2019-08-16
1461 浏览
一直都睇到呢间素食自助餐嘅食评好两极，所以就决定自己去试试！🗣环境方面：拣咗6pm-7:30pm嘅晚餐时段去食，人流比较少，所以坐得舒服又唔会逼。全场设有Bar枱、四人枱同六人枱，唯独接近7:30pm人就开始变多，就会需要搭枱。🍽食物方面：由于食物种类繁多，冇办法一一列出。佢主要有炸物（炸馒头/炸南瓜/炸菇菌/煎堆etc.）、冷盘（沙津菜/凉拌酸辣粉/拍青瓜etc.)、家常小炒（时蔬/莲藕etc.)、特色食物（素口水鸡/素酸辣鸡丝/皮蛋豆腐/寿司etc.)、粥粉面饭汤同饮品糖水豆腐花。🌟我自己最推荐皮蛋豆腐、酸辣鸡丝同炸物。啲素嘅酸辣鸡丝嘅口感同真嘅鸡肉系冇分别，而且辣味都好足够，食落好开胃！而皮蛋豆腐系咁多𩠌入面都几抢手，我都食咗好几转。💰价钱方面：当日去系星期一至四兼假期嘅晚餐，所以收费$150/1位，用餐时间为90分钟（一个半钟）。个人觉得$150都合理，素食款式多而且见到食品fill得几快，环境定食物质素都好。佢平日午餐就$68/1位，用餐时间为60分钟，仲抵食！💡总结&温馨提示：素食唔再停留系只有上咗年纪嘅人先至会去食，走肉朋友系食品款式上花咗不少心机，所以唔多唔少会吸引到年
🗣环境方面：
拣咗6pm-7:30pm嘅晚餐时段去食，人流比较少，所以坐得舒服又唔会逼。全场设有Bar枱、四人枱同六人枱，唯独接近7:30pm人就开始变多，就会需要搭枱。
🍽食物方面：
由于食物种类繁多，冇办法一一列出。
佢主要有炸物（炸馒头/炸南瓜/炸菇菌/煎堆etc.）、冷盘（沙津菜/凉拌酸辣粉/拍青瓜etc.)、家常小炒（时蔬/莲藕etc.)、特色食物（素口水鸡/素酸辣鸡丝/皮蛋豆腐/寿司etc.)、粥粉面饭汤同饮品糖水豆腐花。
🌟我自己最推荐皮蛋豆腐、酸辣鸡丝同炸物。啲素嘅酸辣鸡丝嘅口感同真嘅鸡肉系冇分别，而且辣味都好足够，食落好开胃！而皮蛋豆腐系咁多𩠌入面都几抢手，我都食咗好几转。
💰价钱方面：
当日去系星期一至四兼假期嘅晚餐，所以收费$150/1位，用餐时间为90分钟（一个半钟）。个人觉得$150都合理，素食款式多而且见到食品fill得几快，环境定食物质素都好。佢平日午餐就$68/1位，用餐时间为60分钟，仲抵食！💡总结&温馨提示：
素食唔再停留系只有上咗年纪嘅人先至会去食，走肉朋友系食品款式上花咗不少心机，所以唔多唔少会吸引到年轻一辈去食👍🏻我谂迟下会揾时间再去食！
要留意翻只有晚餐先可以预约留位，而入到去系先讲预约资料再俾钱，然后先入座用餐。
通常枱面都会有一只碟，匙羹叉筷子放咗系食物下方，店舖系希望我哋尽量用返同一套餐具。
所以夹啲多汁多油嘅嘢食会唔方便，个人建议可以自己分开干湿咁摆或用纸巾清理一下。
食完之后要自己执返好碗碟同餐具，放返入去相应嘅箱入面。
🌟都几推荐大家系呢个时段去用餐，因为人流唔多会食得比较舒适！
（🧡多谢用心睇到呢度嘅你地🧡）
张贴
