Acme (已結業)

星期五晚同朋友庆祝生日，佢拣左呢间餐厅。我地四个叫左好多野食，全部都好好食，摆盘又精致，不过定价进取，份量细，但都推荐黎chill下。Sourdough Flatbread x2个包好好食，好松软，攞黎蘸hummus食，但斋食都已经好出色。Broccolini Hummus系鹰嘴豆泥，伴碟有羊芝士、牛油果蓉、羽衣甘蓝、西兰花苗，唔错。Deep Fried Halloumi即系炸芝士，好香口，一啲都唔腻。Watermelon Salad几清新。Mussel Toast好细份，但好正，多士外脆内软，配青口好好味，仲有薯片同yogurt。Culurgiones系云吞，皮整得好好食，个馅都唔错。Octopus必叫，超级好食，弹牙得黎又好好咬，个酱都好好味。Baklava系细细旧既甜品，钟意nuts既人一定会钟意。补充下餐厅切饼费收$250，连摆雪柜都要收$50，所以我地都系去朋友屋企食蛋糕庆祝。