Hashtag B

营业中

休息中

去得多铜锣湾，先知𠮶到原来有咁多好食嘅嘢。不过当然要有个熟路又识食嘅人带你先得，因为呢啲舖头都唔喺喺大商场，大街，唔系熟路真系比较难揾。今次就去左#Hashtag B。其实好耐之前已经睇过啲KOL介绍呢间面包舖，佢嘅卖点系好多层嘅酥皮同埋好脆。当时应该系啱啱开店，又系人气人龙店。而家热潮过左好耐，唔使排队又试吓系咪咁好食先！因为食饱饭嘅关系，我哋乜放左几个钟先食，都惊啲皮会淋。不过，一咬落去，不得了！个皮仲系非常脆，而且系香脆，完全唔油！我好钟意呢个脆皮，因为其实我唔太钟意食酥皮蛋挞，一般嘅酥皮蛋挞我都觉得比较油。而呢个蛋挞嘅酥皮系脆而不油，太过啱我啦！！虽然嘅个蛋挞比较贵，原味都要$18，个佢个蛋挞比一般都大，而且放左咁耐都系脆而不油嘅酥皮真系好难得，所以贵少少我觉得都好值得。朋友话佢个开心果味都好好食（会再贵少少），下次有机会我都要一定要试下先。