真味鮮廚 (已結業)

个海鲜拼盘佢畀少咗带子我哋 初初我哋都唔知，后尾见枱枱都有系我哋𠮶盘冇，先至再追佢攞返🤪蟹同带子都鲜味， 龙趸都ok， 虾同圣子就普通啲。刺身同鲍鱼都几好， 不过每人每款得一件 ，水饺皇都好味 ，大只虾。任食纸𠮶啲野就普通货色， 所谓嘅雪花肥牛 一啲雪花都冇 唔记得影 ，好肥，似腩片。 韭菜饺无韭菜味 ， 炸鱼皮漏咗气， 汽水净系得雪碧， 一渣渣啲雪梨水，薏米水淡茂茂😓。 任食纸推介就黑毛猪 鲜虾滑 生菜 韩国公仔面。不过仲有好多我地都冇点，因为太饱 。𠮶日冇沙白， 可能都好食嘅。埋单每人＄283 咁其实呢个价钱算好抵食 而且 可以坐几个钟慢慢食， 同朋友聚脚，食下倾下 好地方。 环境唔算挤迫， 距离近嘅枱会有胶板间开 。但有少少旧 ， 有啲櫈嘅面都烂咗 ，卫生都可以，职员友善 ，做嘢快手。