根記健康素食

营业中

休息中

今日唔系好觉得肚饿，同同事两个人想食Light d ，醒起鹅颈桥街市上面有一间食素食既舖头 - 根记，就去食个lunch啦。根记位于湾仔鹅颈桥街市内嘅熟食中心，喺最高𠮶层。上到去其实有好多间舖头喺度。最多人排队嘅系九记牛腩粉，次次嚟都见条龙都好长，真系要揾个机会试吓先。而根记条队就唔算好长。我哋大概12:45嚟到，前面大概有六个人左右排队，不过其实大家都系点完餐就坐低食或者拎走，所以好快就到我点餐喇。我决定点一个三𩠌+饭+素汤餐，盛惠$50。到我点餐啦，我就系大概六个𩠌入边拣咗三款，包括煮豆腐，炒杂菜同埋煮南瓜。煮豆腐，职员另外俾个碗仔装起俾我，豆腐滑捋捋味清淡。炒杂菜即系娃娃菜炒云耳红萝卜丝，味道正常。至于煮南瓜系我觉得三个入面最好食嘅，因为系比较浓味嘅一款，而且南瓜煮得够林够入味。至于个素汤我觉得系成个汤嘅精髓，饮完即刻觉得成个身体清新左。整体味道OK嘅素食店。如果你想间唔中清吓肠胃都系唔错嘅选择。