四寶食堂 (華凱大廈)

营业中

休息中

系炮台山呢个小社区入面，四宝食堂绝对系值得一试，之前都已经试过铜锣湾分店系唔错。我地叫左个常餐牛油多士炒蛋同沙嗲牛肉公仔面，茶记必食😝牛油多士够松软，烘到微脆，唔错～炒蛋卖相同味道不错，唔会太生太熟，几香几滑。沙嗲牛肉公仔面有非常香浓既沙嗲味，牛肉份量又多，比起一般茶记质素高，要试！🤤我地仲叫左个瑞士汁干炒牛河，加左瑞士汁的干炒牛河颜色比较深，但唔会太浓味，无盖过牛肉同炒河个种风味，非常推介大家试下。拔丝山渣汁菠萝咕噜肉，咕噜肉唔厚粉，而且啖啖肉，加埋拔丝山渣汁酸酸甜甜配合得几好，个汁真系可以拔丝！虽然食落会有少少伦尽，但效果十足😆菠萝仲大大旧非常鲜甜，大满足！！